Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Gənc Vətənpərvərlər İctimai Birliyi "Evdə qalın" Sizin sağlamlığınız Sizə tapşırılır! adlı layihənin icrasına start verir.

Layihənin məqsədi pandemiyadan zərərçəkmiş aztəminatlı, şəhid və ehtiyacı olan ailələrə dəstək olmaq, onlara ərzaq və tibbi ləvazimatların yardım edilməsi ilə yanaşı əhali arasında karonovirus pandemiyası ilə bağlı maarifləndirmə işinin aparılmasından ibarətdir.

Layihə çərçivəsində Bakının Xətai, Nəsimi və Binəqədi rayonları ərazisində pandemiyadan zərərçəkmiş aztəminatlı ailələrə baş çəkiləcək, onlar COVİD-19 infeksiyası ilə bağlı maarifləndiriləcəklər, ailələrə ərzaq və tibbi ləvazimat yardımı ediləcək.