“Kəndlərdə sahibkarlığın və özünüməşğulluğun inkişafı” layihəsi çərçivəsində bir qrup kənd sakini ilə görüş keçirilib

17 Dekabr 2020

“Kəndlərdə sahibkarlığın və özünüməşğulluğun inkişafı” layihəsi çərçivəsində bir qrup kənd sakini ilə görüş keçirilib

Azərbaycan Respublikasının Kiçik və Orta Biznesin İnkişafı Agentliyinin (KOBİA) dəstəyi, Dövlət
Məşğulluq Agentliyinin tərəfdaşlığı ilə “Odlar Yurdu” Gənclər İctimai Birliyi tərəfindən həyata keçirilən
“Kəndlərdə sahibkarlığın və özünüməşğulluğun inkişafı” layihəsi uğurla davam edir. Layihənin əsas məqsədi
kəndlərdə sahibkarlığın inkişafına, məşğulluğa və əhalinin rifah halının yaxşılaşdırılmasına dəstək olmaqdır.
Layihə çərçivəsində İsmayıllı rayonunun Buynuz və Xanəgah kəndlərinin bir qrup sakini ilə görüş
keçirilib. Belə ki, layihənin məlumatlandırma mərhələsində hər iki kəndin 300 nəfərə yaxın kənd əhalisi layihə
haqqında məlumatlandırılıb və layihədə iştirak üçün seçim meyarlarına uyğun 50 nəfərə yaxın kənd sakini
müraciət edib. Müraciət edən şəxslərlə kiçik qruplarda görüşlər keçirilir, onlara layihənin gedişatı və s. haqqında
ətraflı məlumat verilir. Həmçinin, kənd sakinləri ehtiyaclarının öyrənilməsi üçün sorğuya cəb olunurlar.
Bundan başqa, keçirilən görüş zamanı sakinlərin sahibkarlıq subyekti kimi istifadə edəcəkləri evlərinə
və ərazilərinə baxış da keçirilib.
Qeyd edək ki, layihə nəticəsində 15 sahibkarlıq subyekti təsis olunacaq, 60 nəfər yaxın şəxsin məşğulluq
problemi həll olunacaqdır.
Layihə 7 sentybar 2020- 7 aprel 2021-ci il tarixlərini əhatə edir.