Struktur

Əliyev Azər Ruslan oğlu 11 sentyabr 1993-cü ildə Gəncə şəhərində anadan olub.
 
2014-cü ildə Azərbaycan Dövlət İqtisad Universitetinin “Beynəlxalq İqtisadi Münasibətlər” fakültəsini bitirərək “Dünya iqtisadiyyatı” ixtisası üzrə bakalavr ali peşə ixtisası dərəcəsini alıb. Magistr təhsilini Azərbaycan Dövlət İqtisad Universitetində Layihələrin idarəedilməsi üzrə alıb.

2014/2015-ci ildə Azərbaycan Silahlı Qüvvələrində həqiqi hərbi xidmətdə olub.

2012/2013-cü illər ərzində hər birində iki ay müddətdə olmaqla Polşa ve Moldovada beynəlxalq təcrübə proqramlarında təlimçi və təcrübəçi olaraq fəaliyyət göstərib.

2013/2014-cü ildə AIESEC Azərbaycan təşkilatında beynəlxalq mübadilə proqramının rəhbəri olub. Hal-hazırda AIESEC Azərbaycanın məzunudur.

2017-ci ildə  “Gələcəyə Körpü” Gənclər İctimai Birliyində Könüllülər üzrə koordinator vəzifəsində çalışıb.

2018-2019-cu illərdə Azərbaycan Respublikası Gənclər Təşkilatları Milli Şurasında Proqram koordinatoru, daha sonra isə Yerli Layihələr üzrə katib olaraq çalışıb.

2019-cu ildən etibarən Azərbaycan Respublikası Gənclər Təşkilatları Milli Şurasında Baş katib olaraq fəaliyyət göstərib.

2020-ci ildən bu günə qədər Azərbaycan Respublikası Gənclər Təşkilatları Milli Şurasının sədridir.

Azərbaycan Respublikasının Prezidenti cənab İlham Əliyevin sərəncamına əsasən Azər Əliyev 2022-ci il Gənclər üçün Prezident mükafatına layiq görülüb.

Rafael Hacıbəyli Siyavuş oğlu 1997-ci il 7 avqust tarixində Rusiya Federasiyası Moskva şəhərində anadan olub. 2014-cü ildə Bakı Dövlət Universitetinin Beynəlxalq Əlaqələr fakültəsinə daxil olmuş, 2018-ci ildə bakalavr təhsilini başa vurmuşdur. 2018-ci ildə ADA Universitetində Biznesin İdarə Edilməsi ixtisası üzrə Magistr pilləsinə daxil olmuş və hal-hazırda təhsilini davam etdirməkdədir. İştirakçı kütləsi gəncləri təşkil edən bir sıra layihələrin icraçı və təşkilatçısı olmuşdur. Hal - hazırda Azərbaycanlı Tələbə və Məzunlar Platformasının (ASAP) icraçı direktoru vəzifəsini icra edir. 

Ülviyyə Axundova Süleyman qızı 1997-ci il 15 fevral tarixində Gəncə şəhərində anadan olmuşdur. 2018-ci ildə Azərbaycan Dövlət İqtisad Universitetinin SABAH qruplarından məzun olmuşdur.

2016-ci ildə Təhsil Nazirliyinin “Bir” Tələbə-Könüllü  proqramında fəaliyyətə başlamış və beynəlxalq və dövlət əhəmiyyətli 100-dən çox tədbirdə koordinator kimi çalışmışdır.

2016-2019-cı illərdə Təhsil Nazirliyinin “Bir” Tələbə-Könüllü proqramında İctimaiyyətlə əlaqələr üzrə menecer kimi fəaliyyət göstərmişdir.

2017-ci ildən etibarən Təhsil Nazirliyinin “Azərbaycan üçün öyrət” proqramında layihə meneceri olaraq fəaliyyət göstərir. Fəaliyyətinə görə 2019-ci ildə Təhsil naziri Ceyhun Bayramov tərəfindən “Fəxri Fərmana” layiq görülmüşdür.

2017-ci il may ayında Azərbaycan Respublikası Gənclər və İdman Nazirliyinin dəstəyi ilə keçirilən Respublika Gənclər Debat Forumunun ən yaxşı 2-ci natiqi və finalçısı, noyabr ayında isə SABAH III Tələbə Debat Forumunun ən yaxşı 1-ci natiqi olmuşdur.

2017-ci il iyul ayında IV İslam Həmrəyliyi Oyunlarının təbliği və təşkilində göstərdiyi xüsusi fəallığa görə Təhsil Nazirliyi tərəfindən “Təşəkkürnamə” ilə təltif olunmuşdur.

2017-ci ilin oktyabr ayında "British Council Azərbaycan" və Avropa İttifaqının Şərq Tərəfdaşlığı Mədəniyyət Proqramı çərçivəsində keçirilən "İnnovasiyalar və inkişaf üçün mədəniyyət və yaradıcılıq" forumunda “Invest me” layihəsi ilə 1-ci yerə layiq görülmüşdür.

2018-2019-cu illərdə “BMX Racing” növü üzrə dünya çempionatı, Nəsimi Festivalı, Kapoeyra İdmanı üzrə Dünya Çempionatı, Badminton üzrə “Azerbaycan International 2019”, “Böyük Dəbilqə” beynəlxalq turniri, “IBSA Judo Grand Prix Baku 2019” layihələrində könüllülər üzrə koordinator vəzifəsində çalışmışdır.

2018-ci il mart ayından etibarən Milli Debat Proqramının “A” kateqoriyalı hakimidir.

2019-cı il yanvar-avqust aylarında Təhsil Nazirliyinin “Bir” Tələbə-Könüllü proqramında Proqram meneceri vəzifəsində çalışmışdır.

2019-ci ilin sentyabr ayından etibarən “Vətəndaş Cəmiyyətində Debat” İctimai Birliyinin sədri vəzifəsini icra edir.

Həbibzadə Ramin Zahid oğlu 6 noyabr 1995-ci ildə Göygöl şəhərində anadan olub. 2017-ci ildə Azərbaycan Dillər Universitetinin "Beynəlxalq Münasibətlər və Regionşünaslıq" fakültəsini bitirərək, "Amerika üzrə regionşünaslıq" ixtisası üzrə bakalavr ixtisasına yiyələnib. 2019-cu ildə isə Azərbaycan Dillər Universitetinin Magistrarura şöbəsindən məzun olaraq, "Böyük Britaniya üzrə regionşünaslıq" ixtisası üzrə magistr ali elmi-ixtisas dərəcəsini qazanıb. Hal-hazırda Bakı Dövlət Universitetində "Beynəlxalq münasibətlər və iqtisadiyyat" fakültəsində "Beynəlxalq münasibətlər" ixtisası üzrə əyani doktorantdır.

2017-ci ildə Türkiyənin Antalya şəhərində, 2018-ci ildə isə Gürcüstanın Tbilisi şəhərində beynəlxalq və regional layihələrdə iştirak edərək, ölkəmizi təmsil edib. 2018-ci ildə Fransanın Strasburq şəhərində keçirilən Avropa Şurası Parlament Assambleyasının Yay Sessiyasının iclaslarında müşahidəçi qismində iştirak edib. Eyni ildə "Erasmus+" proqramı çərçivəsində Böyük Britaniyanın Folkeston şəhərində keçirilən beynəlxalq layihədə təlimçi və təcrübəçi olaraq fəaliyyət göstərib. 2018-ci ildə Avropa Şurasının Şimal-Cənub Mərkəzinin Gənclər və İnkişaf Universitetinin 9-cu "Qlobal Təhsil İnkişafı və Gənclər" proqramı çərçivəsində İspaniyanın Mollina şəhərində təşkil edilmiş beynəlxalq tədbirdə Azərbaycanı təmsil etmişdir. 2019-cu ildə Qazaxıstanda Avropa Təhlükəsizlik və Əməkdaşlıq Təşkilatının Demokratik Təsisatlar və İnsan Haqları Bürosunun seçkiləri müşahidə missiyası çərçivəsində Qazaxıstan Respublikasının erkən Prezident Seçkilərində müşahidəçi qismində iştirak etmişdir.Həmin ilin noyabr ayında Azərbaycan nümayəndə heyətinin üzvü olaraq İran İslam Respublikasına rəsmi səfərdə iştirak edib.

2015-ci ildə Azərbaycan Dillər Universiteti Tələbə Gənclər Təşkilatının nəzdində fəaliyyət göstərən "Tələbə Diplomatlar Klubu"nun sədri vəzifəsində çalışıb. 2017-ci ildə Azərbaycan Dillər Universiteti Tələbə Gənclər Təşkilatının sədr vəzifəsini icra etmişdir. Həmin ilin oktyabr ayından Azərbaycan Tələbə Gənclər Təşkilatları İttifaqının (İttifaq) Beynəlxalq Əlaqələr departamentinin direktoru olmuşdur. Həmin ilin mart ayının 1-dən 2020-ci ilin sentyabr ayınadək İttifaqın Baş katibi olaraq çalışıb. 2021-ci il mart ayının 12-də Azərbaycan Respublikası Gənclər Təşkilatları Milli Şurasının keçirilmiş Məclisində üzv gənclər təşkilatlarının səsverməsi ilə Milli Şuranın Baş katibi seçilib.

 

Aygün Kərimova Yaşar qızı 2000-ci il 4 fevral tarixində Qazax rayonunda anadan olmuşdur. 2017-ci ildə Azərbaycan Turizm və Menecment universitetinin Beynəlxalq münasibətlər ixtisasına daxil olmuş, 2021-ci ildə bakalavr təhsilini başa vurmuşdur. 2019-2021-ci illərdə Turizm Könüllüləri Təşkilatında PR koordinator olaraq fəaliyyət göstərmişdir. Hazırda Azərbaycan Respublikası Gənclər Təşkilatları Milli Şurasında İctimaiyyətlə Əlaqələr üzrə Katib olaraq fəaliyyət göstərir.

Fatimə Əliağa qızı Əsədova 1995-ci il dekabrın 15-də Bakı şəhəri Suraxanı rayonunun Hövsan qəsəbəsində anadan olmuşdur. 2002-2013-ci illərdə Hövsan qəsəbəsində Elçin Qaranzadə adına 270 saylı orta məktəbdə təhsil almışdır. 2013-2018-ci illərdə isə ADA Universitetində Dövlət və İctimai Münasibətlər ixtisası üzrə təhsil almışdır. 
Kariyerası ərzində dövlət qurumları, beynəlxalq təşkilat və qeyri-hökumət təşkilatlarında fəaliyyət göstərmişdir. Dövlət Neft Şirkəti, Dövlət Miqrasiya Xidməti, BMT-nin Qaçqınlar üzrə Ali Komissarlığında təcrübə keçmişdir. Bundan başqa gənclər sektorunda Miqrasiya Könüllüləri İctimai Birliyi və Azərbaycan Tələbə Gənclər Təşkilatları İttifaqında fəaliyyət göstərmişdir. Hazırda Azərbaycan Respublikası Gənclər Təşkilatları Milli Şurasında Lahiyələr üzrə koordinator vəzifəsində çalışmaqdadır.

 

Jalə Həsənova Əmir qızı 2000-ci ildə Naxçıvan şəhərində anadan olmuşdur. 2020-ci ildə Bakı Slavyan Universitetinin Tərcümə fakültəsindən bakalavr təhsil pilləsi üzrə məzun olub. Beynəlxalq Təhsil üzrə Amerika Şurasında və Azərbaycan Respublikası Gənclər Təşkilatları Milli Şurasında təcrübə proqramını uğurla bitirmişdir. Həmçinin Azərbaycan-Britaniya Məzunları İctimai Birliyində və Azərbaycan Milli Karate Federasiyasında könüllülük fəaliyyəti göstərmişdir. Hazırda ARGTMŞ-da Üzv təşkilatlarla iş üzrə katib vəzifəsini icra edir.

Sevinc Sadıqova Aydın qızı 1987-ci il 3 noyabr tarixində Sumqayıt şəhərində anadan olmuşdur.

2006-ci ildə Azərbaycan Respublikası İqtisad Universitetinin Ümumi İqtisadiyyat fakültəsinə daxil olmuşdur. Müxtəlif özəl şirkətlərdə müxtəlif vəzifələrdə çalışıb.

2016-cı ildən Azərbaycan Respublikası Gənclər Təşkilatları Milli Şurasında Mühasib vəzifəsini icra edir

Ağasiyev Elvin Hikmət oğlu 1994-cü il iyul ayının 10-da Qəbələ rayonunda anadan olmuşdur.

2012-2016-cı illərdə Azərbaycan Kooperasiya Universitetinin Marketinq fakültəsində təhsil alıb.

2016-2018-ci illərdə müxtəlif özəl şirkətlərdə işləmişdir. Hal-hazırda Azərbaycan Respublikası Gənclər Təşkilatı Milli Şurasının Resurs Mərkəzinin koordinatoru kimi fəaliyyət göstərir.

El-oğlu Ramilə Rövşən qızı 2000-ci il yanvarın 21-də Bakı şəhərində anadan olmuşdur. 2017-2021-ci illərdə Azərbaycan Dillər Universitetində Tərcümə fakultəsində Tərcümə (İngilis-Azərbaycan dili) üzrə bakalavr təhsili almışdır. 2021-ci ildə Azərbaycan Turizm və Menecment Universitetində Turizm işi (ingilis dili) ixtisası üzrə təhsil almağa başlamışdır. Təhsil aldığı dövr ərzində könüllü olaraq aktiv fəaliyyət göstərmiş, bir çox təcrübə proqramlarında iştirak etmişdir. Hazırda Azərbaycan Respublikası Gənclər Təşkilatları Milli Şurasında Layihələr üzrə koordinator vəzifəsində çalışmaqdadır.

Tural İmanzadə 1993-cü il İmişli rayonunun Sarıxanlı kəndində anadan olmuşdur. 2013-2017-ci illərdə Ukraynanın Xarkov şəhərində Milli Aviasiya Universitetində Maliyyə təhsili almışdır. 2008 və 2015-ci illərdə sahibkarlıq fəaliyyəti ilə məşğul olmuşdur. Müxtəlif illərdə Asan Xidmət, Formula 1, Azərbaycan Skautlar Assosiasiyası və ARGTMŞ-da təcrübə keçmişdir. 2019-cu il sentyabr ayında Türkiyənin Samsun şəhərində Beynelxalq Media Təlim düşərgəsində, o cümlədən Gürcüstanın Təlavi şəhərində Beynəlxalq Könüllülük proqramının  iştirakçısı olmuşdur. Hal-hazırda Azərbaycan Gənclər Təşkilatları Milli Şurasında Təşkilati məsələlər üzrə Menecer vəzifəsini icra edir.

Rinat Abbasov 1999-cu ildə Gürcüstanın Marneuli rayonunda anadan olub. 2017-ci ildə Xəzər universitetinin Turizm vı Otelçilik ixtisası üzrə bakalavr pilləsinə daxil olmuş və 2021-ci ildə məzun olmuşdur. Hal-hazırda Azərbaycan universitetində magistratura pilləsi üzrə təhsilini davam etdirir. Azərbaycan Turizm Bürosunda Məhsulların İnkişafı Departamentində təcrübəçi olaraq fəaliyyət göstərmişdir. 2019-2020-ci illərdə AİESEC Azərbaycanda çalışmışdır. 2020-2021-ci illərdə isə Turizm Könüllüləri Təşkilatında layihələr üzrə koordinator olaraq fəaliyyət göstərmişdir.

Hal-hazırda NAYORA-nın yerli layihələr üzrə katib olaraq çalışır.

Bağırov Rüstəm Abdul oğlu, 1989-cu ildə Bakı şəhərində anadan olub. 2007-2011-ci illərdə Xəzər Universitetinin Humanital və Sosial Elmlər fakültəsində təhsil alıb. 2013-2021-ci illərdə Fövqəladə Hallar Nazirliyinin Tikintidə Təhlükəsizliyə Nəzarət Agentliyinin Layihə Dizayn və Texnoloji İnstitutunda Koordinator kimi fəaliyyət göstərmişdir. Hal-hazırda NAYORA-da qrafik dizayner kimi fəaliyyət göstərir.

Əzizağa Atakişiyev Nadir oğlu 15.06.1983-cü il tarixində Göyçay şəhərində anadan olmuşdur.

2005-ci ildə Gəncə Dövlət Universitetinin tarix fakültəsini bitirmişdir.

2006-2007 -ci illərdə Azərbaycan Silahlı qüvvələrində xidmət etmişdir.

2007-2008-cu İllərdə “Gənclik Ürəyi” gənclərin təşəbbüs qrupunu yaratmışdır.

2009-cu ildə bir qrup fəal gənc ilə birgə “Göyçay İnkişaf Mərkəzi” Gənclər İctimai Birliyini təsis etmişdir.

2010-cu ildə regionda aktiv fəalliyyətinə görə Göyçay rayon icra hakimiyyəti tərəfindən tərifnamə əldə etmişdir.

2011-ci ildə -Gənc Liderlik proqramında iştirak edərək Arizona Dövlət Universitetində sosial sahibkarlıq ilə bağlı universitetin sessiyalarında iştirak etmiş və bu istiqamətdə təcrübə keçmişdir.

2013-cü ilə Britiş Konsulun dəstəyi ilə “Fəal Vətəndaşlar” proqramında iştirak edərək Böyük Britaiyanın aparıcı gənclər təşkilatlarında təcrübə toplamışıdır.

2016-cı ilin aprel ayında Almaniya Beynəlxalq Əməkdaşlıq Cəmiyyətinin və Azərbaycan Respublikası Təhsil Nazirliyinin birgə dəstəyi ilə Almaniyanın Magdeburq şəhərində Otto-Von-Magdeburq universitetində Texniki peşə təhsili üzrə magistr təhsilinə yiyələnmişdir.

2017-ci ildə Arpa consulting-də TOT keçmiş və müstəqil biznes təlimçisi kimi təcrübəyə yiyələnmişdir.

2018-ci İqtisadiyyat Nazirliyi tərfindən təşkil olunan Gənclərin Biznes inkubatorlar proqramında iştirak etmiş və biznes ideyası birinci yerə layiq görülmüşdür.

30-dan çox ölkəyə səyahət etmiş və gənclərin inkişafı və sosial sahibkarlıq sahəsində təlimlərdə iştirak etmişdir.

“Göyçay İnkişaf Mərkəzi” Gənclər İctimai Birliyinin sədri vəzifəsini icra edir.

Hal-hazırda "İşıqlı Gələcək" Gənclər İctimai Birliyinin sədri vəzifəsini icra edir.
 

Hilal Rəhimli Bəxtiyar oğlu 1998-ci il 19 oktyabr Bakı şəhərində anadan olmuşdur. 2020-ci ildə Bakı Avrasiya Universitetinin Regionşünaslıq və İqtisadiyyat fakültəsinin Amerikaşünaslıq və Kanadaşünaslıq ixtisasını bitirmişdir.

2016 cı ilin yayında  “AIESEC” təşkilatı vasitəsilə   Rusiyanın Sankt-Peterburq şəhərində beynəlxalq  könüllü kimi fəaliyyət göstərmişdir.

 2017-ci ilin oktyabr ayında “AEGEE-BAKI (Avropa Tələbələr Formu) təşkilatında könüllü kimi fəaliyyətə başlamışdır.

 2018 ci ilin Fevral ayında  AEGEE-BUDAPEŞT təşkilatının “Yay məktəblərinin təşkilatçıları” təlimini uğurla bitimişdir.

Həmən ilin Mart ayında AEGEE-Avropa tərəfindən 16  Avropa ölkəsindəki AEGEE təşkilatlarının “Gənc Səfiri” seçilmiş və ölkəmizi təmsil etmişdir.

 2018-ci ilin May ayında AEGEE-KRAKOV təşkilatının AEGEE-AVROPA ilə birgə keçirdiyi “AGORA-Ümumi Assembliyasına” rəsmi dəvət alaraq təxmini 1000 nəfərlik tədbirdə ölkəmizi təmsil etmişdir.

 2018-ci ilin oktyabr ayında AEGEE-BAKI (Avropa Tələbələr Formunun)  Prezidenti seçilmişdir.

 2019 cu ilin fevral ayında “Avropa Tələbələr Formu” Bakı İB sədri seçilmişdir.

 2019-cu ilin May ayında AEGEE-BUXAREST təşkilatının təşkil etdiyi “AGORA-Ümumi Assembliyasına” rəsmi dəvət alaraq təxmini 800 nəfərlik tədbirdə ölkəmizi təmsil etmişdir.

 2019-cu ilin yay ayında  “AEGEE-BAKI SUMMER Universty”  layihəsinin təşkilatçısı olmuşdur.

 2019-cu ilin oktyabr ayından “Azərbaycan Respublikası Gənclər Təşkilatları Milli Şurasının”  Mərkəzi Nəzarət Təftiş Komissiya (MNTK) üzvi seçilmişdir.

Quliyev Rəsul Aqşin oğlu 2000-ci ildə Baki şəhərində anadan olub. 2017-ci ildə Baki Dövlət Universitetinin Şərqşunaslıq fakultəsinin Regionşunaslıq (ərəb ölkələri) ixtisasına qəbul olub. 2021-ci ildə universiteti bitirmiş və hal hazirda magistratura pilləsini ADA universitetinin Beynalxalq münasibətlər və diplomatiya ixtisasında davam etdirir. Gənclər sektorunda 2017-ci ildən fəaliyyər göstərir. (2017-2019) Azərbaycan Tələbə Gənclər Təşkilatları İttifaqinda könüllü fəaliyyəti olub.
Daha sonra “Bizim Gənclik” İctimai Birliyində müxtəlif vəzifələrdə çalışıb,  2020-ci ilin seçkilərində Sədr Müavini vəzifəsinə seçilib. Müxtəlif beynalxalq tədbirlərdə iştirak edib. Bir çox yerli lahiyələrin təşkilatçısı olub. 2020-ci ildə ictimai fəaliyyət sahəsində uğur qazanmış bir gənc kimi Azərbaycan Respublikası Gənclər və İdman Nazirliyi tərəfindən təltif olunub.

Ramiyyə Şahgəldiyeva Emin qızı 1999-cu il 18 oktyabr tarixində Biləsuvar şəhərində anadan olub. Hazırda ADA Universitetinin İqtisadiyyat fakültəsində bakalavr təhsilini davam etdirir. Erasmus Tələbə Şəbəkəsi (ESN) Azərbaycanın prezidenti və Azərbaycanlı Tələbə və Məzunlar Platformasının beynəlxalq münasibətlər üzrə meneceri vəzifələrini yerinə yetirir.

Xəlilli Vəfa Eldar qızı 1998-ci il 5 may tarixinda Zərdab şəhərində anadan olmuşdur.

2019-cu ildə Bakı Dövlət Universitetinin Mexanika Riyaziyyat fakültəsinin Riyaziyyat müəllimliyi ixtisasını bitirmişdir.

2015-2017-ci illərdə "RİTM" Komputer Kursunda könüllü komputer müəllimi olaraq çalışmışdır.

2016-cı ildə Azərbaycan Gənclər Fondunun fərdi qrantında "Gənc qızların təhsilə cəlb olunması" adlı layihə ilə qalib olmuşdur.

2017-ci ildə Universitet daxili Tələbə Gənclər Təşkilatının könüllüsü olmuşdur.

2017-2019-cu illərdə "Gəncliyə Dəstək" İctimai Birliyində Sədr müavini vəzifəsində çalışmışdır.

2018-2019-cu illərdə "Hədəf" kurslarının Zərdab filialında direktor köməkçisi və riyaziyyat müəllimi vəzifəsində çalışmışdır.

2019-2020-ci illərdə Azərbaycan Respublikasının Gənclər Fondunda Konfransların və Tədbirlərin təşkilatçısı vəzifəsində çalışmışdır.

20 iyun 2019-cu ildən etibarən "Gəncliyə Dəstək" İctimai Birliyində Sədr vəzifəsində fəaliyyətini davam etdirir. Eyni zamanda 2019-cu ildən etibarən Zərdab rayon M.Əzizbəyov adına Dəkkəoba kənd tam orta məktəbində riyaziyyat müəllimi vəzifəsində çalışır.

Bununla bərabər, ictimai fəaliyyətini aktiv davam etdirir. Avropa Birliyinin və Türkiyə Respublikasının birgə maliyyələşdirdiyi Orta Doğu Teknik Universitetinin təşkilatçılığı ilə keçirilən "Liderlik" və  "Kişisel stress yönetimi" kurslarını sertifikatla bitirmişdir.

Azərbaycan Gənclər Fondunun və ASAN xidmətin birgə təşkilatçılığı ilə "GəncLİK" proqramına seçilmiş 30 gəncdən biridir. Bunun kimi, yüzlərlə layihədə iştirakçı və onlarla layihənin rəhbəri olmuşdur.

 

 

Səbinə Əliyeva Aydın qızı 1996-ci il 07 avqust tarixində Bakı şəhərində anadan olmuşdur.
2013-cü ildə Sumqayıt Dövlət Universitetində bakalavr təhsili almış və 2018-ci ildə təhsilini başa vurmuşdur. 2018-ci ildə Azərbaycan Dövlət İqtisad Universitetində Biznesin idarə edilməsi ixtisası üzrə magistr pilləsinə daxil olmuş və hal-hazırda təhsilini davam etdirməkdədir. 
İş fəaliyyətinə 2014-cü ildə Müdafiə Nazirliyinin Tibb Baş İdarəsində başlamış, 2016-cı ildən "Prosper" Məhdud Məsuliyyətli Cəmiyyətində koordinator vəzifəsində fəaliyyət göstərmiş, 100-dən çox layihələrə koordinatorluq etmişdir.
2019-cu ildən Heydər Əliyev Fondunun "Regional İnkişaf" İctimai Birliyində vətəndaş cəmiyyətinin inkişafı, təşəbbüskarlıq mühitinin formalaşdırılması üçün cəmiyyətin sosial inkişafına yönəlmiş ideya və təşəbbüslərin dəstəklənməsi məqsədilə həyata keçirilən "Sosial layihələr" müsabiqəsində layihələr üzrə aparıcı-mütəxəssis vəzifəsində çalışmışdır.
“Şərq Nağılı” Əlilliyi olan Gənclərin Beynəlxalq Festivalı, “Əlilliyi olan gənclərin müstəqil həyat, sosial inteqrasiya və ictimai sahədə iştiraketmə hüquqları” adlı beynəlxalq konfransı, “Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviqedilməsi" üzrə tədbirlərin təşkili, Azərbaycan Karyera İnkişaf Forumu kimi yerli və beynəlxalq layihələrdə layihə rəhbəri vəzifəsində çalışmışdır.
2018-ci ilin dekabr ayından etibarən "Dan" Beynəlmiləlçi Gənclər İctimai Birliyinin sədri vəzifəsini icra edir.
Hal-hazırda "Gravity Inc." Məhdud Məsuliyyətli Cəmiyyətində layihələrin idarəolunması üzrə rəhbər vəzifəsində çalışır.

Bayramlı Dinara Dmitriy qızı 1993-cü il 8 iyul tarixində Bakı şəhərində anadan olmuşdur. 2015-ci ildə Azərbaycan Dillər Universitetinin "Tərcümə" fakültəsini bitirmişdir. 
1997-ci ildən 2007-ci ilə qədər akrobatika idman növü ilə məşğul olmuşdur. Azərbaycan Respublikasının 13 qat çempionu. Avropa və Dünya çempionatlarının finalisti. 2005-ci ildə Gənclər İdman və Turizm Nazirliyi tərəfindən "Azərbaycan Respublikasının İdman Ustası" (akrobatika üzrə) adı ilə təltif olunmuşdur.  
2012-ci ildə Azərbaycan Respublikasının Dövlət Miqrasiya Xidmətinin könüllüsü, daha sonra Bakı Modern Məktəbinin məşqçi-muəllim vəzifəsində çalışmışdır. 2013-cü ildən "SAF Həyat Naminə" Gənclər İctimai Birliyində könüllü olaraq fəaliyyət göstərmişdir. 

2015-ci ildən "SAF Həyat Naminə Gənclər İB-nin sədr vəzifəsini icra edir. 
İctimai fəaliyyət ərzində dəfələrlə təltif olunmuşdur.
Hal hazırda Heydər Əliyev adına müasir təhsil kompleksində fiziki tərbiyə müəllimi vəzifəsində çalışır.

Şükürov Nail Məzahir oğlu 1991-ci il 20 yanvar tarixində Cəbrayıl  rayonunda anadan olmuşdur. 2009-2013-cü illərdə Azərbaycan Dövlət İqtisad Universitetində (UNEC) “İqtisadiyyatın tənzimlənməsi” ixtisası üzrə bakalavr,  2014-2016-cı illərdə “MBA / Biznesin təşkili və idarə edilməsi” ixtisası  üzrə magistr təhsili almışdır. “Layihə idarə edilməsində beynəlxalq standartlar (ICB4)” və “İnsan Resurslarının İdarə edilməsi” beynəlxalq təlim proqramlarını uğurla bitirmişdir.

2011-2013-cü illərdə “İrəli” İctimai Birliyi və “DVC” (Vətəndaş Cəmiyyətində Debat) İctimai Birliyində könüllü, proqram və layihə koordinatoru olaraq fəaliyyət göstərmişdir. 
 
2011-ci ilin noyabrında müxtəlif təhsil xidmətləri və proqramları təklif edən  “NR Academy” təhsil şirkətini təsis etmişdir. 
 
2013-2014-cı illərdə Azərbaycan Milli ordusunda Taqım komandirinin müavini / “TƏİR” komandiri kimi həqiqi hərbi xidmət keçmişdir.

2014-cü ilin noyabrından 2019-cu ilin oktyabrınadək “Virtual Qarabağ” İKT Gənclər İctimai Birliyində (“Virtual Qarabağ” İKT Mərkəzi) layihə meneceri kimi fəaliyyət göstərmiş, 2019-cu ilin oktyabrından etibarən isə sədr müavini vəzifəsini icra edir.

2014-2020-ci illərdə “Üfüq” Gənclərin İnkişafı Naminə İctimai Birliyinin sədri olmuşdur.

2015-ci ildən insan resursları sahəsində fəaliyyət göstərən “HR Club Azerbaijan” platformasının həmtəsisçisidir.

2020-ci ildən etibarən “Böyük Qayıdış” Gənclər Təşkilatının icraçı direktoru vəzifəsini icra edir. 

2021-ci ildən Azərbaycan Respublikası Gənclər Təşkilatlarının Milli Şurasının İdarə heyətinin üzvüdür.

Fərdi inkişaf, təhsil, biznes və gənclərlə iş sahəsində müxtəlif mövzularda təşkil olunmuş bir çox layihə, təlim və seminarların iştirakçısı və təşkilatçısı olmuşdur. Onlarla təlim və tədris proqramlarının, layihələrin hazırlanmasına və həyata keçirilməsinə rəhbərlik etmişdir. 2014-cü ildən etibarən müxtəlif təşkilat və qurumlarda “İdeyadan layihəyə”, “Biznesə necə başlamalı?”, “İş MüsahibəsindəSƏN”, “İdeyadan Biznesə”, “Könüllü fəaliyyətdəSƏN” və s. mövzularda təlim və seminarlar keçir. Gürcüstan, Türkiyə, Fransa, Almaniya və Lüksemburqda müxtəlif tədbir və təqdimatlarda iştirak etmişdir.

Hüseynov Elvin Şərifağa oğlu 1997-ci ildə Bakı şəhərində anadan olmuşdur. 

2014-2018-ci illərdə Azərbaycan Kooperasiya Universitində Marketinq və menecment fakültəsinin Marketinq ixtisası üzrə təhsil almışdır.

2014-2015-ci illərdə Gənclər Mərkəzi İctimai Birliyinin İdarə heyətinin üzvü olmuşdur. 

2016-2017-ci illərdə isə Təşkilat Komitəsinin qərarı ilə təşkilatın daxilində fəaliyyət göstərən Nəzarət-Təftiş komissiyasının sədri olmuşdur. 

2016-cı ildə 1 saylı ASAN xidmət mərkəzində və  Formula 1 Avropa Qran-Prisində, 2017-ci ildə İslam Həmrəyliyi Oyunlarında könüllü kimi fəaliyyət göstərmişdir.

2016-cı ildə "Azərbaycan Respublikasının Konstitusiyasında dəyişikliklər edilməsi haqqında” Azərbaycan Respublikasının Referendumu-Yeni Azərbaycan Təbliğat- təşviqat kampaniyasının üzvü, 2018-ci ildə Yeni Azərbaycan Partiyası Nərimanov Rayon Təşkilatı – “İlhamla İrəli” Təbliğat-təşviqat kampaniyasının üzvü olmuşdur.

2017-ci ildə 41-ci Dünya Skaut Konfransı Məkan Əməliyyatları Komandası, Məkan Əməliyyatı və Təhlükəsizlik üzrə 2-ci menecer olmuşdur.

2018-ci ildə Formula 1 Azərbaycan Qran-Prisi 2018 – Məkan Əməliyyatları Komandası, Konsert Arenasına nəzarət qrup rəhbəri olmuşdur.

2018-ci ildə VI Bakı Beynəlxalq Humanitar Forumu Əməliyyat komitəsinin üzvü , Nəqliyyatın təşkili üzrə menecer, 2019-cu ildə isə 5-ci Ümumdünya Mədəniyyətlərarası Dialoq Forumu Əməliyyat komitəsinin üzvü, Nəqliyyatın təşkili üzrə menecer və UNESKO-nun Ümumdünya İrs Komitəsinin 43-cü Sessiyası Əməliyyat komitəsinin üzvü, Nəqliyyatın təşkili üzrə menecer vəzifələrində çalışmışdır.

2017-ci ildən bu yana Gənclər Mərkəzi İctimai Birliyinin Sədr müvaini olaraq fəaliyyət göstərir. 

2018-ci ildən Azərbaycan Respublikası Gənclər Təşkilatları Milli Şurasının İdarə  heyətinin və Mərkəzi Nəzarət-Təftiş Komissiyasının üzvü kimi fəaliyyət göstərir.

2019-cu ildən Yeni Azərbaycan Partiyası Nərimanov rayon Gənclər Birliyi İdarə Heyəti və Şura üzvüdür.

 

Xanlayev Samrin Nadir oğlu 1996-cı il 30 may tarixində Balakən rayonunda anadan olmuşdur. 2017-ci ildə bakalavr təhsil səviyyəsi üzrə Mingəçevir Dövlət Universitetinin İqtisadiyyat və idarəetmə fakültəsini, 2019-cu ildə magistratura təhsil səviyyəsi üzrə Mingəçevir Dövlət Universitetinin İqtisadiyyat ixtisası üzrə İqtisadiyyatın tənzimlənməsi ixtisaslaşma ixtisasını bitirmişdir.

2015-ci ildə İşıqlı Gələcək Gənclər İctimai Birliyində könüllü fəaliyyətə başlamışdır.

2015-ci ildə Azercell Telecom MMC-nin Fəxri Təqaüdçüsü adına laiq görülmüşdür.

2017-ci ilin oktyabr ayından 2018-ci ilin fevral ayınadək “Mingəçevir Gənclər Evi” Sosial Xidmət Müəssisəsində Dərnək rəhbəri vəzifəsində çalışmışdır.

2018-ci ilin fevral ayından 2019-cu  ilin iyul ayınadək Mingəçevir Dövlət Universitetində Akademik məsləhətçi vəzifəsində çalışmışdır.

2020-ci ilin fevral ayından sentyabr ayınadək ayınadək  yenidən “Mingəçevir Gənclər Evi” Sosial Xidmət Müəssisəsində Dərnək rəhbəri vəzifəsində çalışmışdır.

2019-cu ilin oktyabr ayından İşıqlı Gələcək Gənclər İctimai Birliyində Tədbirlər və layihələr üzrə koordinator kimi fəaliyyət göstərir.

2020-ci ilin mart ayından etibarən Konstitusiya Araşdırmalar Fondu və Education HUB tərəfindən icra olunan “Yarat, İnkişaf et, Töhvə ver” layihəsində Mentor olaraq fəaliyyət göstərir.

2020-ci ilin sentyabr ayından etibarən Mingəçevir Dövlət Universitetində Akademik məsləhətçi və müəllim vəzifələrində çalışır.

Xanlarova Ülkər Akif qızı 1988-cü il 22 mart tarixində Qubadlı şəhərində anadan olmuşdur.

2010-cu ildə Azərbaycan Dillər Universitetinin İngilis dili fakültəsini bitirmişdir. Həmin ildən 2 saylı tam orta məktəbdə İngilis dili müəllimi vəzifəsində çalışmaqdadır.

2011-ci ildən Azərbaycan Skautlar Assossiasiyasında ( ASA ) könüllü olaraq fəaliyyətə başlamış və 2014-2018-ci illərdə təşkilatda PR vəzifəsində fəaliyyət göstərmişdir.

2016-cı ildən WOSM ( Dünya Skaut Hərəkatı ) və WAGGGS ( Dünya Qız Bələdçi və Qız Skautlar Assosiasiyası ) üzrə təlimçi kimi çalışmaqdadır.

2017-ci ildə WSC  ( Dünya Skaut Konfransı ) və Gənclər Təşkilatlarının 5-ci Respublika Sərgisində Skaut sərgisinin , eyni zamanda yerli skaut tədbirlərinin təşkilatçısı olmuşdur.

2019-cu il keçirilən seçkilər zamanı ASA-nın ( Azərbaycan Skautlar Assossiasiyası ) İdarə heyətinə Beynəlxalq Əlaqələr üzrə 3 illik üzv seçilmişdir.

2019-cu il Avropa Gənclər Olimpiada Festivalı zamanı Qonaq Keçid Mərkəzi Mütəxəssisi kimi fəaliyyət göstərmişdir.

2020-ci il WOSM və WAGGGS Birgə Strateji Fəaliyyət Planının qrup üzvü və  WOSM-in Avrasiya region üzrə SFH ( Safe From Harm ) proqramının baş meneceri, məsləhətçisi seçilmişdir.

Dünyanın bir çox ölkəsinə səyahət edərək fərqli mədəniyyətlərlə və beynəlxalq komandalarla işləmək şansı qazanmışdır.

Qəhrəmanzadə Orduxan Taleh oğlu, 25 aprel 2001-ci ildə Bakı şəhərində anadan olmuşdur. 2017-ci ildə “Sabahın alimləri” VI Respublika Müsabiqəsində “Kimya” nominasiyası üzrə 2-ci yerə layiq görülmüşdür. 2018-ci ildə Bakı Dövlət Universiteti nəzdində "Gənc istedadlar" liseyindən qızıl medalla məzun olmuş, ADA Universitetinin “Beynəlxalq Münasibətlər” fakültəsinə daxil olmuşdur.

2016-2019-cu illərdə aktiv debat fəaliyyətiylə məşğul olmuş, “Britaniya Parlamenti” və “Lincoln-Douglas” kimi beynəlxalq səviyyədə tanınmış debat formatları üzrə müsabiqələrdə iştirak etmiş və təlimçi olaraq çalışmışdır.

2018-2019-cu illərdə, 10-dan çox “BMT Modeli” və “Avropa Gənclər Parlamenti” simulyasiya konfranslarında iştirak etmiş, dəfələrlə uğurlu iştirakına görə mükafatlandırılmışdır. ADA Universitetində fəaliyyət göstərən “BMT Modeli” klubunun idarə heyətinin üzvü olaraq debat müsabiqələrinin və simulyasiya konfranslarının təşkil olunmasında aktiv rol oynayır.

2019-cu ildə ADA Universiteti tələbələri arasında keçirilən seçkilərin nəticəsində Universitetin Tələbə Hökumətində Ümumi Təhsil üzrə Konsul seçilmişdir.

2019-cu ilin 10-21 iyun tarixlərində ADA Universitetinin Avropa İttifaqı məsələləri üzrə Bilik Mərkəzinin keçirdiyi 5-ci ADA-Avropa yay məktəbinin Diplomatiya həftəsinin təşkilatçısı olmuşdur.

2019-cu ilin 15-19 iyul tarixlərində ADA Universitetinin Azərbaycan Respublikası Xarici İşlər Nazirliyi ilə birlikdə Azərbaycan Respublikası diplomatik xidmət orqanlarının 100 illiyi şərəfinə təşkil etdiyi diplomatiya həftəsinin iştirakçısı olmuşdur.

2019-cu ildə ADA Universitetində Asiya İnkişaf Bankının (AİB) dəstəyi ilə keçirilən “Gənclərin debatı 2019” yarışmasının təşkilatçısı olmuşdur.

2019-cu il sentyabrın 1-dən  Avropa Birliyinin Şərq Tərəfdaşlığı Proqramının Gənc Avropa Səfiridir.

2019-cu ilin payız semestrində “Erasmus+” mübadilə proqramı çərçivəsində Estoniyanın Tartu Universitetində təhsil almışdır.

2019-cu il, 30 sentyabr - 5 oktyabr tarixlərində Avropa Şurası tərəfindən maliyyələşdirilən və Macarıstanda, Budapeşt Gənclər Mərkəzində keçirilən “ESN Gender Check-Up” adlı gender təlimində iştirak etmişdir.

“Erasmus Tələbə Şəbəkəsi – Azərbaycan” İctimai Birliyinin (ETŞ Azərbaycan) həmtəsisçisidir. 2019-2020-ci illərdə ETŞ Azərbaycan-ın Milli Təmsilçisi kimi fəaliyyət göstərmiş, 2020-ci ilin iyul ayından təşkilatın Sədridir.

Milli Təmsilçi kimi fəaliyyət göstərdiyi dövrdə, Avropanın ən böyük tələbə təşkilatlarından olan Erasmus Tələbə Şəbəkəsinin Portuqaliyanın paytaxtı Lissabonda və Türkiyənin paytaxtı İstanbulda keçirilən beynəlxalq səviyyəli görüşlərində iştirak etmiş və ölkəmizi təmsil etmişdir.

2020-ci ildə Azərbaycan Tələbə Gənclər Təşkilatları İttifaqının Gənclər Fondu ilə birgə layihəsi olan Xudafərin Media Mərkəzinin təşkilat komitəsinin üzvü olmuş, “Sosial mediada Qarabağ münaqişəsinin tarixi və hüquqi aspektlərinin çatdırılması” mövzusunda keçirilən və 400-ə yaxın tələbəni əhatə edən təlimlərin keçirilməsində aktiv rol oynamışdır.

Hal-hazırda, Azərbaycan Tələbə Gənclər Təşkilatları İttifaqında klublarla iş üzrə Menecer vəzifəsində çalışır.

Manaflı Azad Əziz oğlu 21 fevral tarixində İsmayıllı rayonunda anadan olmuşdur. 
Azərbaycan Dövlət Pedaqoji Universitetinin Tarix-Coğrafiya fakültəsini bitirib. 2012-ci ildən ictmai fəaliyyətə başlamışdır. 
İlk dəfə könüllü olaraq Xəzər İntellektual Gənclər Klubunda fəaliyyətə başlamış və daha sonra layihələr üzrə koordinator, 2018-ci ildə isə icraçı director olaraq fəaliyyət göstərib.
Baku 2015 I Avropa Oyunları və 2017-ci ildə keçirilən İslam Həmrəyliyi Oyunlarında könüllü kimi fəaliyyət göstərmişdir.
National Geographic Azərbaycan dərgisində, Apple Azərbaycan və s. beynəlxalq şirkətlərdə çalışıb. 
2021-ci ilin mart ayında cənab Prezident İlham Əliyevin təqdimatı əsasında Yeni Azərbaycan Partiyası Gənclər Birliyinin idarə heyyətinə seçilən 30 gəncdən biridir. 
2019-2021-ci illəri əhatə edən Azərbaycan Gənclər Fondu və ASAN Xidmətin birgə təşkilatçılığı ilə keçirilən GəncLİK (Gənc Liderlərin İnkişaf Konsepsiyası) layihəsinin məzunu olmuşdur. İntellektual oyunlar üzrə Azərbaycan Çempionatı, Azərbaycan Kuboku, Azərbaycan Superkuboku kimi ölkə miqyaslı layihələrin təşkilatçısıdır. 
2017-ci ildən etibarən keçirilən Nə? Harada? Nə zaman? Intellectual oyunu üzrə Regional Azərbaycan Kubokunun təsisçisi və təşkilatçısıdır. 
2017-ci ildən etibarən bir qrup gənc ilə birgə təsis etdiyi İsmayıllı İntellektual Oyunlar Klubu İctimai Birliyinin sədri olaraq bu günə kimi fəaliyyətini davam etdirir. Həmçinin İsmayıllı Regional Gənclərin Resurs Mərkəzinin həmtəsisçisi və direktorudur.
2019-cu ildə Beynəlxalq Kartoqrafiya Asosyasiyasının təşkil etdiyi Beynəlxalq Kartoqrafiya Konfuransında Azərbaycanın “Təməl xəritə anlayışları” mövzusunda məqalə ilə təmsil etmiş və Azərbaycanı həmin asosyasiyaya üzv qəbul etdirilməsində iştirak etmişdir.
2021-ci sentyabr ayında Azərbaycan Respublikası Gənclər və İdman Nazirliyinin yanında İctimai Şuranın sədr müavini seçilmişdir.